ALMA DE MI ALMA

Alma de mi alma
(¡Guay di mi!)

I

Adio mi alma
Adio mi vida
no me deshes solo
mira ke no puedo
¡guay de mi!
mira ke me muero

II

Mirame a los ojos
ke este yanto mio
ke se aze inkontenivle
lo inskpirates tu
ke arronjo ternura

III

Una vida enjuntos
en la lutcha sempe
kodo a kodo i día por día
abrasados tamien
komo el uno para el un otro
“Alma de mi alma”
IV

Un bokado de kumida
un jarro de agua klara
un tetcho, una kamareta
la asperansa en la notchada
aguadrando kontentes al amaneser

V

Aferremos a la vida
no deshemos ke se fuya
los ijos ya estan grandes
los innietos mos arrodean
indemas a ti
komo a los Sefarim
En Simjah Torah
makare, su tibiesa, mos kubiye





VI

Bien les veamos y veremos
bien la vejes mos aga
bien que arresibamos de arriva
bien ke tengamos en kaza
bien ke mos asentemos a la meza
kon alegriya i salut kumplida
sin mankura de dingunos
Bizdrat a El

VII

Adio mi alma
Adio mi vida
no me deshes solo
mira ke no puedo
¡guay di mi!
mira ke me muero.

JFA 02-05-2006