76-SETENTA I SHESH VELIKAS76 – SETENTA I SHESH VELIKAS LT N°4

76 – SETENTA I SHESH VELIKAS LT N°4


EKSPERIENSIA: SE DENOMINA EL
KUMULO DE MUESTROS YERRORES

I

UN DIA, UN PUEBLIKO LESHANO,
A LAS 11 I 20 DE LA DEMANIANA,
UN YANTO DE VIDA MUSIKALIZO
EL OGAR DE MIS VENERADOS PADRES.

2

AYEGUI A LAS VIVENSIAS DESDE
UNA KUNA DE ORO, ARRODEADO
DEL AMOR DE MIS PROJENITORES,
I LA DULSE “BABA” PATERNA.-

3

DOMPUES SERIA MUNCHIGUADA LA
FAMIA, KON MI ERMANO, JAVER DEL
KAMINO, LOS JUGOS I DESPERTARES,
ENGRANDESIENDOMOS ENDJUNTOS.

4

ENTONCES SE IZO ORA DE DESHAR EL
TERRUNIO I PUGNAR A LA SIVDA
GRANDE, LA ESKOLA, KRESER I
EMBEZARMOS LA MANSEBEZ.

5

KREYGO KE ME MIRAVAN KOMO A UN
MUTCHACHITKO GRAZIOSO, MA NUNKA
ME DI KUENTA DE ESTO.KRESIA: ESPERTO,
ARMONIOSO I TAN RESPETUOSO.



6

AJUERA DE LAS KARAS TE DIGO,
KE EN SUPITO, GUSTOSO TRABAVA
RELASIONES KON TODOS LOS TCHIKOS
I TCHIKAS EN EL KEN DE LA KEILA DE
KAMARGO, DONDE APRENDI LAS
ORASIONES DEL BAR MITZVA

7

KON BUENO ME ARRESIVI EN LA ESKOLA
INDUSTRIALA DE TEKNIKO KIMIKO, ADELANTI
EL ESKIERLIK –NO ME JUE NADA BIEN- MA DE
LA MANO DEL DIO SALI ALEORA, MERKI LA KAZA I
ME KAZI, ENSHALADO KOMO ESTAVA I ESTO, KON
LA NOVIA, KE NO MANKE, ENDJUNTOS DESDE LOS 14 ANIOS.

8

LAVORI, AMBULANTE, EN LA KAYE, EYA EN LA KAZA.
UN KAZAL LOS DOS IZIMOS, KON MUNTCHO AMOR,
LOS TCHICOS, VIVOS I SANOS KRESIERON, SE EMBEZARON
I ENGRANDESIERON I KOMO SUS PADRES KAZAS KIJERON
I SUS KAMINOS SIGUIERON.

9

LAS MIELES, MÁS TIERNAS
KON LAS INNIETAS VINIERON.
KLAVELES NO UBIERON,
SOLO ROSAS DE AMOR ENKARNADAS.

10

EL DIO, JENEROSO, MOS PREMIO
KON VIDAS LARGAS I BUENAS,
AY DE KAL I AY DE ARENA,
MA SIGUIMOS ENDJUNTOS
KE ES LO MIJOR,

11

EN ESTE PUNTO ESTAMOS AEDADOS DE
ANYOS –¿EN SUPITO, POR ANDE SE JUERON?-
MA: KERESH KE VOS DIGA, SE MOS
JUE. NO SIN ESFORZO, MA EN UN SOPLO.
12

AGORA.SIN DARMOS DE KUENTA,
SIN DEMANDAR ¿NI KE NI PORKE?,
SERES AMADOS KEDARON EN EL
KAMINO. ¿A KEN DEMANDAR?.........
¡SI PARA ESTO, NO AY REMPUESTA!

13

I AKI ESTAMOS PAZANDO, KON LO KE
KEDO DE MOZOTROS, ORANDO POR LOS
KE NO ESTÁN, I POR LOS KE ESTAMOS,
I MOZOTROS ALIENTRO, I ESTEMOS
SIEMPRE ENDJUNTOS, KON SALUT
KUMPLIDA I SIN MAKURA DE DINGUNOS.
¡ I YASHA! TRAE LA TORTA, ENSENDE LAS
76 VELIKAS KE PARA LA UNA OTRA, MANKAN
365 DÍAS, I UNA MAS. BIZDRAT A EL. ¡EMET!.-


COROLARIO

CUANTAS VECES DEBEMOS ATRAVESAR, EN NUESTRA EXISTENCIA, ESA FRONTERA, QUE MAS TARDE, NEGADA, DESAPARECERA, PARA OLVIDARLA, BORRADA POR EL VIENTO QUE EMPUJA NUESTRA EXISTENCIA.

OTRAS TANTAS, NOS VEMOS OBLIGADOS, A IMPROVISAR UN SALTO AL VACIO, EN TENSA LUCHA CON NUESTRO INQUIETO INTERIOR: ¿ME ATREVO?...¿NO ME ATREVO?. ESE ES EL DESAFIO AL QUE NO HAY QUE RENUNCIAR. DEBEMOS MEDIRNOS CON LOS AVATARES Y CIRCUNSTANCIAS QUE SE NOS OPONGAN. ES LA ÚNICA FORMA DE VIVENCIAR CUANTO O QUE VALEMOS.-


JFA 19-09-2005.-


PD/ SALVANDO LAS DISTANCIAS, ESTOS 13 PARRAFOS (ARTIKOLOS), MARCAN UN PERIPLO DE VIDA.- LA MIA. LA NUESTRA. LA DE MIS QUERIDOS.- SIMULTÁNEAMENTE, SIN QUERERLO, 76 IGUAL 7 + 6 HACEN 13.
ES UN NUMERO KABALISTICO. 13 ARTICULOS DE FE. NO LO INTENTE....SOLO SUCEDIÓ.-

COMO UNA REMEMBRANZA DE MI HERENCIA ANCESTRAL HE USADO EL
“LADINO” –ESPAÑOL ARCAICO- EN LA PARTE INICIAL DEL TEXTO.76